Daily Newspaper

RBI in Repo Rate khawih danglam loh a thlang : Das

46

Reserve Bank of India chuan nimin khan repo rate chu khawih danglam lovin tun hnaia a tihhniam hnuah 4 per cent-ah dah a tum rih thu a sawi a. Marginal standing facility rate leh bank rate te pawh khawih danglam lovin 4.25% ah dah zui a ni.

Monetary Policy Committee te chuan lungrual takin policy repo rate chu khawih danglam lovin 4% a dah an remti a ni, tiin RBI Governor Shaktikanta Das chuan a sawi.

MPC te chuan India ramah pawh April leh May a nasa taka a tlakhniam hnuah economic activity a awm tan leh tak thu an sawi bawk a. Mahse, Covid-19 kaithar pung zel leh lockdown kalpui thar leh avangin harsatna a awm leh zui niin an tarlang bawk a.

June thlaah ram dang atanga thil lakluh nasa takin a tlahniam a, ramchungah demand a hniam a, crude oil man a tlahniam bawk tiin MPC te chuan an tarlang bawk a.

India forex reserves chu kumin financial year ah 56.8 billion in a pun thu leh July 31, 2020 thleng khan 536.6 billion a neih thu tarlan a ni bawk.

Thlai thar kum dang zawng aia a tha tura ngaih a nih rualin supply chain khaihlaka nasa avangin protein-based food item leh vegetable te erawh inflation awmtir theitu a nih reng thu an sawi bawk.

Kumin kum chanve hmalam zawnga Real GDP growth chu a tawm hle dawn niin PMC chuan a sawi bawk a. Kum 2020-21 ah chuan negative turin a beisei bawk a ni.

Consumer confidence pawh July thlaah a chhe zual niin survey hmasa aiin a chhe zawk a, demand pawh la awm lo zel tura ngaih a ni bawk.

Monetary policy kalpui turin theihna a awm rualin hun tha zawk beiseia fimkhur taka kal an thlang bawk a, hei vang hian MPC chuan policy rate a khawih danglam ta lo niin Das chuan a sawi bawk.

RBI chauh hi khawvela central bank zinga pangngai taka hna an thawh reng theih nana an staff te tana special quarantine facility nei an ni bawk.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy