Daily Newspaper

Real Madrid champion hun a hnai zel

7

Thawhtanni zan La Liga inkhel pakhatah Granada khelmuala zinchhuak Real Madrid chuan 2-1 hnehna an sualchhuak leh hram a, hmahruaitu team hian league title hlawhchhuak turin vawikhat chak chiah an ngai tawh.

Spanish giants hian goal thun an harsat lo a, minute 10 anb khelh tlin rualin Ferland Mendy chuan mikhual hmahruaina goal a khung a, tun season kal laiah Mendy hi Real Madrid tana goal khung thei 21-na chiah a ni.

Angle zim tak atanga France defender Ferland Mendy goal kan hmuh atanga minute ruk a liam leh rualin Mendy chipui Karim Benzema chuan sihnih faia Real hmahruaina goal a tilut ve leh a, Zinedine Zidane-a team hi nuamsa taka chak zui mai tura ngaih an ni hman a, mahse, a ni miah lo!

Second half-ah chuan Granada tankhawh a na ta hle a, minute 50-ah Darwin Machis chuan Madrid goalkeeper Thibaut Courtois-a kapk^rah thunin an siphurh pakhat zawk a sut then a, hemi hnu hian an ba la rulh loh pakhat sut zawh tumin an nawr zui nghal mial mial a, Real-in goal khata an hmahruaina an humhim thei hram a ni.
Zidane-a team hian khelh hnih chauh awm tawhah point liin anmahni hnaihbertu leh an hmelma kumhlun ni bawk Barcelona an hlat tawh a, vawikhat an chak leh chuan an champion tawh dawn a ni.

An hmabak khelh hnih la awmah Real Madrid hian draw result ve ve pawh hlawhchhuak se head-to-head record-a Barca laka an chungnun zawk avangin point hnih an hmuh leh theih chuan an champion tawh dawn a, Ningani zan hian home-ah table-a pangana luahtu Villarreal an mikhual dawn a, hetah hian an chak zo lo palh a nih chuan Pathianniah tlakhniam hlauhawm dinhmuna ding mek Leganes an luhkhung ang a, tah chuan champion tawh ngei tura ngaih an ni.

Thawhtanni zan hnehna kha La Liga an chhunzawm leh hnua a z^wna Real Madrid vawikua an chakna ni tawhin, Real boss Zidane chuan Ningani inkhel a thlir a, hlimna an nghahchhuah tawh ngei a ngaih thu a sawi chungin, “Thawhlehniah training kan chhunzawm leh nghal dawn a, Ninganiah khelmualah kan kirleh ang.

“Granada game-ah khan second half-ah tlarhnung ven kan ngai nasa a, a tawp lam minute engngemawti chhung phei kha chu a hautak kher mai,” a ti.

Real captain Sergio Ramos chuan hun tawp dawnah an lama goal lut tur line atangin a hnawlchhuak thei hram a, Ramon Azeez-a goal tur a dansak.

Kha game-ah khan Gareth Bale chuan bench luah lehin, khelmual a lut lo tluanchhuak lehnghal.

Kum 2013 atanga Bernabeu-a khawsa tawh Wales forward Bale hian tun season-ah La Liga match 12 chiah a tir atanga lutin a la khel a, June ni 24-a sihnih faia Mallorca an hneh tuma thl^k a nih hnu khan khelmual a la lut leh ta lo.

Thawhtanni zan inkhel

Granada 1-2 Real Madrid
Alavés 0-0 Getafe
Villarreal 1-2 Real Sociedad

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy