Daily Newspaper

Real Madrid-in ‘Campeones 34’ an lawm

10

An mikhual Villarreal laka 2-1 hnehna changin Ningani zanah Real Madrid chuan khelh khat la hmabak chungin kumthum chhunga a vawikhatna atan Spanish Primera Liga title an la fel a; Zinedine Zidane hoa La Liga title an hlawhchhuah vawihnihna a nih rualin an club chanchina Spanish title tum 34 an hlawhchhuahna a ni nghal a, an elpui lianber leh an hmelma kumhlun ni bawk Barcelona aiin vawiriat ngawtin an champion ngun tawh zawk.

French coach hian kumthum an nghah hnua Spanish top flight hlawhtlinna chan chu Champions League trophy hawn ai pawha hlimawm a nih thu a sawi hial!

Alfredo Di Stefano Stadium ruak reh ruih hnuaiah langsar v<t loa Real rohlu ni kumkhua Karim Benzema bawkin chakna goal hnih a thawkchhuak leh a; darkar chanve khelh tlin dawna a goal hmasa zawk chu Villarreal goal-veng Sergio Asenjo kapk^ra a chhuihluh niin, second half penalty atanga a goal hnihna erawhin sawi zui a hlawh hat thung.

Tun season La Liga kal m>ka goal 10 zet khung tling tawh Los Blancos captain Sergio Ramos chu a hlawhchhuah penalty chhuih tur awm takin a penchhuak zet a, a goal 11-na tur goal lama thawn phei ta lo chuan penalty pet tur ang taka a tlan ruala lo dawkchhuak ve nghal Benzema chhuih atan a petsawn hlek a, French striker chuan mikhual goal-ah a thun er zawt a, mahse, referee Alejandro Hernandez chuan tih danphung lo tiin Real goal hnihna a hnawlsak zet a, petnawn lehna hun siamsakin, Benzema tho chuan sihnih faia home team hmahruaina goal a chhuihlut.

Hun pangngai tawp hm^ minute sarih la awmah Vicente Iborra chuan Villarreal siphurh pakhat zawk a s<t then a, substitute Marco Asensio chuan a hm^ anga Real hmahruaina ngaiawhtir leh theihna hun remchang a bawhpelh avangin Spanish giants chu an kawtkaiah 2-1-in an chak a, stadium chhunga lawmpuitu mipui nei loin champion an lawm.

Zidane-a team hi June thlaa Spanish football an chhunzawm luh leh hnuah an chesual tha duh miah lo a, match 10 an khelhah hnehna chang vekin, khelh khat an la neihah point sarih ngawtin pahnihna Barcelona an kalsan a, Catalan team tan beisei tur a awm ta lo.

Real Madrid boss chuan match 38 an khelh tlin hunah midang zawng aia point an hmuh tam tur thu sawiin, hun harsa tak tak lockdown leh buaina dang dang k^ra tun dinhmun an thleng thei chu phut zawkna tham a nih thu a sawi a, an hun tawn chu thildang zawng aia tha a nih thu leh La Liga hnehna chang tura tha a hehzia a tarlang tel.

Santiago Bernabeu an cheithat avangin Real hian mipui 6,000 lek lenna an reserve stadium lamah Villarreal hi an mikhual a; an club training complex-ah hun dang angin champion lawmna a so bulh bulh thei ta lo a; hripuiin nunphung a la tihkhaihlak reng avangin dan pangngai anga bus chungkhuh nei loa khawlai fan kual hnua Madrid khawpui lailia Cibeles fountain luhchhuah pawh a remchang dawn ta lo a ni.

Hemi chungchang hi Zidane chuan sawichhuakin, “Mitin tan kan huntawn hi a mak a ni tawp mai. Kan fans nen ngei maia Cibeles hmuna sapatal leh chu ch^kawm teh mah se a tina tinzawn mi a ni rih si lo.

“Engpawhnisela, zanin hian mahni in theuhah mi zawng zawng kan hlim ang tih ka chiang a, fan-te hi chuan team-in hnehna kan chang lai hmuh hi nuam an ti vek a, an tan chu hna chu kan hlenchhuak a ni,” a ti.

Kum 2017 hnu lama an title hmasaber lawm tura dawhsan an thlen hnu, trophy an la dawn hm^ siin Zidane-a squad hian an an jersey hnuaia ‘Campeones 34’ tih inziahna kawr phumr<k an lo h^k thuah chu an pholang a, a, French coach bawk chuan, “Vawiin hi professional ka nih anga ka tana ni thaberte zinga pakhat a ni. Engkim thlen hnu, thlathum ngawt kan khaihlak hnua hetiang hun nghahchhuah hi a manhla ngawih ngawih a ni a ti ngawih ngawih.

La Liga title hi tun thangkhat lian zet liamta chhung khan Champions League trophy aiin Real hian an hlawhchhuak tlem zawk mauh pek a, season hnuhnung pakuaa an vawithumna chiah niin, Zizou an rawih hmasak tuma European Cup tihte mai mai vawithum an l^kzawn thawt theih laiin tualchhung league lamah Barcelona an ngam hlei thei lo a, kumin ni loa league title an l^k hnuhnunber atang khan a z^wnin pathumna dinhmunte an han luah a, top fight title an sualchhuah hnuhnunber tuma an coach pawh kha Zidane tho hi niin, title l^kkirpui leh a tumna a puitlin ta a ni.
Kumin March thlaa hripui avanga Spain ram football a din thup lai kha chuan table lera Barca an la thut vung avangin Los Blancos tan beiseina a la sang vut vut loin a rinawm a, mahse, hripuiin ziaawm lam a pan a, league an han tan leh chiah chu an rah chin apiang an ram a ni ta zel a, Ningani zan inkhel dangah Osasuna tihte mai mai hneh lon Catalan team an tlawm avangin Bernabeu club-in beisei aia chiangin league title an hlawhchhuak.
Ramos pawhin league tan leh hnua an hma-chhawp chu champion a nih thu sawi ve bawkin, game tina chak zel an duh thu leh an thawhrim rah an tel t^k thu a sawi a, “Tun hi a vawi 34-na a nih rualin ka title palina chiah a ni ve bawk.
“Zidane hi kan hlawhtlinna bulpui a ni a, kan lawng captain niin, season tan phat atangin hm^ a hruai a, Zizou a awm chh<ng hi chuan himah kan inngai tlat thin,” tiin a pu a fak.
Zidane chuan Champions League last 16 lamah team a pawther nghal dawn a, August ni 7 khian first leg-a 1-2-a an hneh loh tawh Manchester City chu Etihad Stadium-ah an luhchilh dawn a ni.

La Liga table

Rank Team P GD Pts.

1 Real Madrid 37 45 86
2 Barcelona 37 43 79
3 Atl Madrid 37 24 69
4 Sevilla 37 19 67
5 Villarreal 37 10 57
6 Real Sociedad 37 8 55
7 Getafe 37 7 54
8 Valencia 37 -6 53
9 Granada 37 3 53
10 Ath Bilbao 37 7 51
11 Osasuna 37 -8 51
12 Levante 37 -7 46
13 Eibar 37 -13 42
14 Real Betis 37 -10 41
15 Alavés 37 -20 39
16 Real Valladolid 37 -13 39
17 Celta Vigo 37 -12 36
18 Leganés 37 -21 35
19 Mallorca 37 -25 32
20 Espanyol 37 -31 24

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy