Ningani zing khan NBA 2023-24 khelh chhunzawm a ni a, Milwaukee Bucks player pawimawh Giannis Antetokounmpo chuan Indian Pacers an hneh tumin point 64 ngawt a thawkchhuak a, NVA game khata point thawkchhuak hnem ber record thar a siam. Inkhel dangah Los Angeles Lakers chuan San Antonio Spurs an hneh ve bawk.
Milwaukee Bucks in point 140-126 a Indiana Pacers an hneh tumin point 64 a thawkchhuak. Antetokounmpo-a’n point 64 zet a thawhchhuah hi NBA game khatah mimal in point an thawhchhuah tam ber tum a ni a. Kum 2006 ah Michael Redd-a’n point 57 thawkchhuak a, record a lo siam tawh chu arawn khum a, record thar a siam ta a ni. Bucks hian tunhnaiah Indian Pacers an ngam viau a, NBA In-season tournament hmasa ber semi-final ah tunhnai lawk khan point 128-119 in an lo hneh tawh bawk.
Ninga ni zinga inkhel dangah LeBron James khelhna Los Angeles Lakers chuan point 122-119 in an khingpui San Antonio Spurs an hneh thei hram.
Spurs an hneh tum hian LA Lakers player pawimawh Anthony Davis chuan point 37 a thawkchhuak. Spurs player pawimawh Victor Wembanyama chuan point 30 thawkchhuak bawk mah se, an team tlawm tur a chhan him zo chuang lo a, Spurs hi an chetchhiat zawn ber tum niin vawi 18 ngawt an tlawm zawnna chiah a ni.
Record siamtu Antetokounpo
