Daily Newspaper

Record thar nena Inter chakpuitu Lukaku

12

Thawhtanni zan Europa League quarter-final inkhel pakhat zawkah Inter Milan chuan 2-1-a Bayer 04 Leverkusen hnehin semi-final an lut a, Italian team goal hnuhnung zawk khungtu Romelu Lukaku chuan Europa League-a game kaw chhung goal thun z^wn thei hmasaber nihna a chang thar.

Dusseldorf khaw in-khelah Nicolo Barella chuan minute 15 an khelh tlin rualin Serie A club goal hmahruai a thun a, minute 21-ah Bel-gian striker Lukaku chuan Inter goal hnihna thawh ve lehin, Ashley Young siamsak tanga lehlam defender pela a goal khung kha season kal laia a goal 31 tihluhna chiah a ni nghe nghe.

Romelu Lukaku hian Everton tan khan Europa League match a khelh hnuhnung vawing^ah goal riat thunin, Internazionale a zawm hnuah Europa League match a khelh hnuhnung vawili atangin goal li a tilut tling leh a, chawl loin match kaw chh<ng he competition-a goal thun z^wn thei hmasaber a ni.

Thawhtanni zan inkhela goal thum kan hmuh hi first half chhunga lut vek niin, Lukaku chetfuh atanga minute thum a liam leh rualin Kai Havertz chuan German club siphurh pakhat a s<t then a; second half-a goal dang a luh zui t^k loh avangin he goal hi Leverkusen goal neihchhun a ni zui ta a; hripui avanga Europa League season kal lai pawhtawi a nih t^k avangin quarter-final stage atang hian home and away an nuaibo rih lawk a, Germany ramah ‘one-off tie kalphung angin an chhunzawm ta m>k a ni.

Antonio Conte team Inter hian nizan result tarlan hman loh Shakhtar Donetsk leh Basel inkhela chak zawk chu chu August ni 17 semi-final-ah Dusseldorf khuaah tho hian an tum leh dawn a ni.

Tarlan t^k angin, Lukaku hi Uefa Cup a nih lai leh Europa League a nih hnu thlengin he competition-a match kaw chh<ng goal thun z^wn thei hmasaber a ni a, 2014-15 season-ah khan Everton tan game nga chhungin goal a lo thun z^wn tawh a ni.

Kartir Bayer Leverkusen game-ah khan Lukaku hian tumhnih ngawt penalty pet turin beiseina a nei hman a, a hmasa zawk chu first half lamah niin, hun pekbelhah penalty pet turin a inbeisei leh a, mahse, a pahnih hian video assistant referee-in a dansak ve ve a ni!

Italian club hi goal tam zawk nena chak thei tur an ni a, Lukaku hian penalty vawihnih a hloh bakah Leverkusen goal-veng Lukas Hradecky a paltlang vek zo bik lo a, Premier League player hlui rualkhat Christian Eriksen, Alexis Sanchez leh Victor Moses-te paw’n Inter tan an hun tha hmuh an bawhpelh ve hlawm bawk.

2010-11 season-a chetha Samuel Eto’o hnu lama season khat chhunga Inter tana goal khung hnem leh thei ber ni mek Lukaku hian inkhelh banah an team-in hm^ an sawn zel thu sawi chungin chance an neihte hmanga hun tawp hm^a inkhel hmehmih dan erawh an zir a la ngaih thu a sawi-chhuak a, “Zanin khan beisei nei loa siam thei kan nih laiin kan hlawhchham tlat a ni.

“Taksa lama hahdamna hun thawl kan nei dawn a, game ropui hmachhawn tura inbuatsaihna hun kan nei nghal a, kan hmachhawp atan hian kan inpeihchhuak ngei tur a ni,” tiin semi-final match atan a team-mate rual a fuih zui nghal.

Inter Milan hian kum 2011 Coppa Italia hnehna an chan hnua an trophy hmasaber ni tur hlawhchhuak turin game hnih chak chiah an mamawh tawh!

Nikum nipui laia team enkawltu Conte leh Leonardo ink^ra manager pariat an rawih tawhte’n San Siro club hi eng trophy mah an l^kpui zo lo a, Europa League hi an innghahna hnaivai ber a ni m>k.

Italian Serie A season liamtaah khan an rawn kang chho ta hle a, pahnihna ni chungin season an khar thei a, point khat chiahin champion zui leh ta Juventus an pha lo.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy