Daily Newspaper

Record thar siamtu Bellingham

9

Thawhtan zan khan German Cup khelh a ni a, cha-mpion tura rinkai zinga mi Borussia Dortmund chuan an khingpui MSV Duisburg chu si nga faiin an hneh. He inkhelah hian kum 17 mi Jude Bellingham chuan goal a thun a, Dortmund tana goal thun thei naupang ber reco-nrd thar siam in, a club thar tan hnu hma thar tak a hnutchhiah nghal.

Nipui bazar ah Championship club Birmingham City atanga an lak luh Belligham hian minute 30-naah Dortmund goal hnihna a thun a. Kum 110 hnuah Borussia Dortmund club tan record thar a siam. He rawlthar kum 17 mi lek hi Birmingham City tan a khelh that vangin Premier League club lian hrang hrangten an an hmutai viau a, tualchhung league ropui leh sum tamna ber EPL-ah hun a hman chhunzawm a rinawm hman hle. Chutihlai chuan rawlthar chher thiam tak Dortmund hian an sawm ve a, ngun taka ngaihtuah hnuin Germany pan a thlang a, a tisual dawn lo viau niin a lang. A club thar tan inelna pangngaia a khelh hmasak berah goal thunin record a siam nghal var a, hei hian phurna bakah inrintawkna sang zawk a neih phah ngei a rinawm.

Jude Bellingham-a’n club record thar a siam tum hian Manchester United in an awh em em Jadon Sancho chuan penalty pet goal in hmahruaina goal a thun a. Goal thum dang hi Thorang Hazard, Reyna leh Marko Reus te thun a ni a, phu takin hnehna an chang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy