Daily Newspaper

Recording Academy member tura sawm zingah Lil Nas X, Gunna leh Victoria Monet an tel

24

Recording Academy-in an member sum lama harsatna tawk te fee pek loh an remti

Kumin chu Recording Academy member te tan membership fee chungchangah duhthlan tur pathum an siam a- fee pek loh, fee a pangngai a pek leh member dang harsa
zawk te kêp chunga fee pangngai aia tam thawh te an remti a, hetiang hi an pawl din atanga an vawi khat tihna a ni.

Recording Academy member ten kumtin an member nihna tihnun nan dollar 100 an chhun luh thin a ngai a, mahse, kuminah COVID-19 hripui leng avangin musician
harsatna tawk tam tak an awm a, chuvangin member ni sa leh member thar tur zingah fee pe remchang thei lo an awm pawhin an ngaithiam dawn a ni.

Rimawi khawvela chawimawina sang ber Grammy Award dawng tur thlangtu chu Recording Academy member-te an ni, chu pawla member ni turin mi an sawm thar thin
a, kuminah pawh mi 2,321 chu an pawla tel turin an sawm a, chung zingah chuan Lil Nas X, Gunna leh Victoria Monet te pawh an tel. Nikum khan mi 1,340 an pawla tel
tura an sawm zingah mi 743-in an zawm a ni.

Kumina Recording Academy a tel tura an sawm zinga 48% chu hmeichhia chu an ni a, 21% chu African American niin, 8% chu Hispanic niin, 3% chu Asian American
an ni a, 51% chu kum 39 hnuailam an ni bawk.

Tunah hian Academy member-ah 26% chauh hmeichhia an ni a, kum 39 hnuailam 25% an ni bawk.

Recording Academy member hi chi hnih an awm a, vote nei leh vote nei lo an ni. Vote nei ho hi Grammy Award thlangtu an ni a, tunah hian vote nei mi 900 an awm a,
kumina member tura sawm 79% hi vote nei thei tura sawm an ni.

Kumthar Grammy Awards-a aw nei thei ve tur chuan member thar tura sawm te hian September ni 15 hma ngeiin an pawm fel a ngai a ni. Nakkum Grammy hi a vawi 63
-na tur niin, January ni 31, 2021 hian Staples Center, Los Angeles-ah an sem ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy