Daily Newspaper

Reds an sang fal zel

6

Inrinni zana English Premier League khelah champion lai Liverpool an che turu hle a. Khual-mualah Crystal Palace chu si sarih fai ngawtin an sawp. Reds hian hma an hruai fal sauh a, point ngain an sang fal tawh. Inkhel dangah Man-chester City chuan Raheem Sterling goal thun hmagin hnehna an chang ve bawk.

Selhurst Park-ah Liverpool an huangtau tak zet a, Player pum-raw lian, thahrui nei tha leh tlanchak rual hmaah team dang buai thin mahse Reds erawh an che pui hle thung a, minute thumna lek ah hmahruaina goal an thun hman. Takumi Mina-mino chuan Sadio Mane siamsak atangin hmahru-aina goal a thun nghal. Minute thumna lekah goal thun nghal mahse goal dang thun turin an nghak ve leh det thun.

Minute 35-naah Rob-erto Firmino siamsak atangin Sadio Mane chuan an goal hnihna a thun ve leh a, chawlhlawk dawn hnaih minute 44-naah Firmino chuan Robertson siamsak atangin an goal thumna a thun zui leh bawk. Kar laihawla Tottenham an hneh tumin Firmino hian Robertson siamsak atangin chakna goal a lo thun tawh a, a inkawp fuh chho viau a ni.

Chawlhlawk hnu lamah pawh Liverpool in bul an tan tha zui leh viau. Minute 52-na lekah Jordan Henderson chuan an goal lina a thun. Darkar chanve cuang inkhelhna hun la awm mahse chak tur zawk tihchian a ni der tawha ngaih a ni. Chuti chung chuan minute 69-naah Roberto Firmino chuan an goal ngana a thun zui leh sak a, an hmahruaina a tizua leh zual.

Hun tawp dawn hnaih lamah Mohamed Salah a inlar a, goal hnih a rawn thun zui ve leh. Champions League-ah Captain ban hren, hrentir a nih loh vanga lungawi lo, Real Madrid emaw, Barcelona emaw zawk zawk zawm hreh lo Salah hian minute 81-naah Joel Matip siamsak atangin an goal rukna a thun a. Goal a thun atanga minute thum hnu lekah Oxlade-Chamberlain siamsak atangin Salah chuan an goal sarihna a thun zui leh zat a, si sarih fai ngawtin khualmualah hnehna an chang zui ta a ni.

Selhurst Park-ah si sarih fai ngawta hnehna an chan vangin Liverpool chuan topflight huanga an chak chian ber hun an tawng a. Inrinni zan khan top-flight huangah sisarih faia an chak hmasak ber a ni. Kum 1989 khan fisrt League-ah Crystal Palace tho hi 9-0 in an lo hneh tawh a, chu chu inelna hrang hranga an chak chian ber tum a ni ve thung. Liverpool in a tha lama record an siam laiin Crystal Palace erawh chuan a chhe lamin record an siam ve thung a. An muala an tlawm chian ber tum a ni ve thung lawi.

German manager Jurgen Klopp chuan Liverpool chu Premier League-ah vawi 127 a chak tlinpui chiah a, Reds manager zingah EPL a chakpui tam ber a ni thar. Vawi 126 chakpui tawhtu Rafael Betinez-a record a khum chiah a ni. Reds Forward Sadio Mane chuan Crystal Palace lamah hian khelh sarih chhung ngawt goal a thun zawn a. Premier League player zingah hetiang ti thei palina a ni a. A chungah hian Robin van Persie (eight against Stoke), Jimmy Floyd Hasselbaink (seven against West Ham) leh Romelu Lukaku (seven against West Ham) te an awm a, Mane hian Palace lakah hnuhma a nei tha chho hle a ni.

Liverpool hian an hmahruaina sawh ngheh theihna hun tha an nei leh dawn a, Pathianni zanah 19-naa awm mek West Bromich Albion an hma-chhawn ang. Crystal Palace hian inrinni zan khian khualmualah Aston Villa an hmachhawn ve thung dawn a, Liverpool lakah an mualphona khuh mawi turin Villa lakah hnehna chan an mamawh hle tura ngaih a ni.

City chakna Sterling
Liverpool in khual-mualah chiang zeta hnehna an chan laiin City pawhin hnehna pawi-mawh tak an chang ve bawk a. Season kal meka chetha tak Southampton lakah Raheem Sterling goal thun hmanga hnehna changin table-ah hma an sawn hret hret.

St Marrys Stadium-ah Premier League club lian City hian bul an tan tha viau a, minute 16-na lekah Kevin de Bruyne siamsak atangin Raheem Sterling chuan hmahruai na goal a thun nghal pang Southampton hian an si phurh sut ngei tumin tan an khawh a. Hlauhawm siamchhuak zauh zauh mahse goal an thun thei lo tluan a, an mualah uiawm takin an tlawm. Chawlhlawk hmain an player pawimawh Danny Ings hliam vanga lak-chhuah a nih vanginn an hlauhawmna a nep a, chawlhlawk hnu lamah an hlauhawm theih loh phah niin a lang. Saints hian season kal mekah goal an thun thei viau thin a, an khingpui laka goal an tun zel laiin City lakah erawh goal a thun thei ta lo thung a ni.

City hian thawhleh zan khian Caraboa Cup lamah Arsenal an hma-chhawn hmasa zet ang a, inrinni zanah Newcastle United an hmachhawn zui leh ang. Southampton hian inrinni zan khian khual-mualah Fulham an hma-chhawn thung ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy