Daily Newspaper

Rel chuan man company kutah dah dawn

24

Narendra Modi kaihhruai BJP sorkarin private company-te tana Indian Railway a hawn tak hnuah passenger fare pawh an duh ang an bithliah a phalsak dawn.

“Private player ten an duh angin chuan man an bithliah thei ang,” tiin VK Yadav, chairman of Railway Board chuan a sawi a. Mahse, “air-conditioned bus leh thlawhnate pawh an thlawh ve reng avangin a chuan man an bithliahah ngaihtuahna an sen a ngai ang,” a ti bawk.

Rel chuan man hi India ramah chuan boruak siam awl tak niin nitin Australian mipui zah passenger an awm vang niin mirethei te hman nasat ber a ni bawk. PM Modi sorkar chuan private company te chu station tihchangtlun atanga Rel neih thlengin an tel ve theih nan hma a la zui ta a ni.

Private player te luhtheihnaa siam a nih tak avang hian investment kum nga chhungin $7.5 billion vel a lut tura ngaih niin Ministry of Railways chuan a sawi.

India Sorkar chuan passenger phur Rel company inhnamhnawih duh te chu July thla khan sawmna siam tawhin an tlan theihna tur kawng 109 leh Rel 151 vel awm thei tura ngaih a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy