Rel station-a bomb puakah mi 24 thi
Pakistan khawthlang lam, Quetta rel station-ah inrinni khan bomb puakin, mi 24 in an thih phah a. Police te chuan mi 40 chuangin hliam na tak an tawrh thu an sawi.
Pakistan khawthlang lamH hian hnam hrang hrang inlakhran duhte bakah Islamist firfiakte chetna a nasa hle a, hemi kal zela bomb pawh hi puak nia rin a ni.
Senior SP Muhammad Baloch chuan bomb tipuaktute chu thihchilh pawla mite ni ngeia a lan thu a sawi a, a titute leh hnarkaitute zawn beihpui thlak nghal a nih thu a sawi.
Quetta rel station-a bomb puak hi eng pawl mahin an tih a nih thu an la sawi lo a, heng lai biala inkhuar eng hel pawl emaw ber nia rinna erawh police te chuan an nei lian hle.
Pakistan-ah tho hian August thla khan Balochistan province-ah firfiakten police station, rel kawng leh highway te lo bei tawhin, hemi tum hian mi 73 in an lo thih phah tawh bawk.
Rel station-a bomb puakah mi 24 thi
