Hollywood movie thar ‘Kingdom of the Planet of the Apes’ chu May ni 10 atangin khawvel huapin cinema hall-ah chhuah tan a ni a, an tlangzarh ni-ah hian RemPlan’Ly theatre, Aizawl-ah pawh tihchhuah a ni dawn e.
Kingdom of the Planet of the Apes hi sci-fi action movie niin, Wes Ball direct a ni a, Owen Teague, Freya Allan, Kevin Duran, Peter Macon leh William H.Macy te channa a ni a, Planet of the Apes franchise film 10-na a ni tawh a, a film hmasa lam pawh an hlawhtling viau zel a, tuna a thar an tlangzarh leh tur pawh hi a hlawhtling leh viauin a rinawm.
He film-ah hian kum 300 chuang indona thleng tawh, War of the Planet of the Apes chu a la tawp thei lo a. Ape ho hmahruaitu Caesar chuan Ape civilization rawn chawktho thar lehin, mihringte nen indona lian tak a thlen leh ta a, mihringte nunphung pangaia awm chu a chawkbuai leh tan ta.
Ape king Proximus Caesar hian mihringte ralthuam bo tawh, technology bo tawh chu haichhuak lehin a Ape pui te chu sipai chak takah a chher hriama, an Ape pui vêk te lakah nunrawng taka chein sal atan Ape tam tak a chhawr zui a. Chimpanzee hunter Noa leh Mae chuan mihring leh Ape indona thleng lo turin hma an la ve thung a, mihring leh ape te chu mi inang an nihna zawng chhuak turin theihtawpin an zirchiang ve thung.
RemPham’Ly theatre-ah ‘Kingdom of the Planet of the Apes’
