Hollywood lama movie an tlangzarh rualin Aizawl-ah kan en ve thei ta zel mai, RemPham’Ly theater chuan karleh weekend hian ‘Furiosa: A Mad Max Saga’ an chhuah ve leh dawn ta.
He post-apocalyptic action adventure movie hi Mas Max franchise a film pangana a ni a, a Mad Max: Fury hmalama thil thleng anga chan a ni. He film hian Netflix series ‘The Queens Gambit’ atanga lemchan khawvela invawrh lar lehzual ta Anya Taylor-Joy cu Imperator Furiosa angin a inlan a, Chris Hemsworth, Tom Burke leh Alyla Browne te nen an changho.
Furiosa hi May ni 15 atanga an neih tam 77th Cannes Film Festival-ah world premiere neiin, cinema hall-ah chuan May ni 23 atangin ram thenkhatah an chhuah tan dawn a, US-ah May ni 24 atangin an chhuah ang a, Aizawl-ah pawh karleh kartawp atangin a en theih ve nghal dawn a ni.
Green Place of Many Mothers atanga an rukbo Furiosa chu biker rual hotu rothap zet mai warlord Dementus kutah a tlu lut a. Wasteland paltangin, Immortan Joe thuneihna Citadel an tleng ta a. Mi rothap leh nunrawng pahnih te dingchang zawk nih tuma inbeihna karah Furiosa chuan a pianna rama kir leh turin indona hautak zet a hmachhawn a ngai ta a ni.
RemPlam’Ly theater-ah ‘Furiosa: A Mad Max Saga’ chhuak dawn
![](https://theaizawlpost.org/wp-content/uploads/Clipboard01-965-1024x843.jpg)