US President Joe Biden chuan Washington chuan Ukraine-in US pek long-range missile te Russia laka a hman a remtih mai theih thu hawi zawngin thusawi a nei a. Ukraine hnena remtihna pek a nih chuan US-in ralthuam a pek tinte chu a duh danin a hmang thei dawn ta tihna a ni bawk a.
Russia chuan sawi engmah a la nei lo chungin a hmain President Vladimir Putin chuan US-in a ralthuam pekte Ukraine-in a duh anga hman remtihna a pe a nih chuan buaina nasa tak a thleng thei tiin a lo sawi tawh thung.
Hetih lai hian US Secretary of State Antony Blinken leh UK counterpart, Foreign Secretary David Lammy te chuan Ukrainian President Volodymyr Zelensky chu Kyiv ah an hmu dawn bawk a.
Blinken chuan Kyiv an panna chhan tur sawiin ‘Ukrainian leadership te atangin an ngaihdan tlang hrak hriat an duh’ tih leh ‘an mamawh te eng tin nge kan phuhruk theih ang’ tih a ni tiin a sawi a.
Blinken leh Lammy te hian London a inbiakna an neih hnuah Ukrainian capital chu an pan dun dawn a ni.
UK a tlawh mek naah Blinken chuan Iran chu Russia hnena short-range ballistic missile peah puhin, chung ralthuamte chu kar rei lo te chhungin Ukrainians te beih nan hman a ni mai thei tiin a sawi bawk a.
Iran ralthuam pek chuan Russia arsenal tiphuisui dawnin ramri hnaiha Ukrainian khawpui te chu awlsam zawkin a beih theih phah dawn tiin a sawi bawk a. Iran erawhin Russia hnena self-guided weapons pe anga puhna chu a hnawl thung.
Ukraine-in US pek long-range weapons te hman remtihna a pe dawn em tia Biden hnena zawhna pekah a administration chuan ‘an ngaihtuah mek’ tiin a sawi a ni.
Russia-in Ukraine kum 2022 February thlaa a run hnuah US chuan Russia ram chhung hmun ril lai kap thei ralthuam tha leh hlauhawm te Ukraine hnenah a pe duh meuh lo va, a pek chhun te pawh hman a remti meuh lo.
Tun hnaiah erawh missile thenkhatte erawh hman remtihna pe tawhin long-range missile thenkhatte chu ramri hnaiha Ukraine kah nana a hman hmun te beih nana a hman a remti ta thung.
Kyiv hnenah hian ram dangte pawhin long-range weapon te pe tawh hlawm mah se Russia ramchhung kah emaw beih turah hman dan tur khuahkhirhna an siam tlangpui a ni.
Tun hnaiah President Zelensky chuan Russia ram chhung thuk zawk beih remtihna pe turin Nato ram te a ngen chamchi chungin tun thlengin US leh ram dangte chuan remtihna chiah an la pe duh lo a ni.
Remtihna pe mai thei ti
