‘Renaissance’ premiere-ah Taylor Swift inlan
Beyonce concert movie ‘Renaissance: A Film by Beyonce’ London-a premiere-naah Taylor Swift a inlan a, he film atana Beyonce theme silver colour ngei hmang vein, silver Balmain grown nen a nalh zeih zawih khawp mai. Beyonce pawhin October thlaa Los Angeles-a ‘Taylor Swift: The Eras Tour’ concert movie premiere-ah Swift hi a support tih lantir nan a lo inlan ve tawh bawk a ni.
Los Angeles Taylor Swift concert movie premiere-naa Beyonce inlan avangin Swift hian a lawmzia sawiin, social media-ah, “Ka van lawm tak em @beyonce influence tel lo chuan ka nun hi eng nge a nih ang tih pawh ka ngaihtuah thiam lo. Kalphung pangngai pel a kal dan min zirtirtu a ni,” a ti.
‘Renaissance: A Film by Beyonce’ hi a engkim Beyonce kutchhuak deuh vek a ni a, writer, executive producer leh co-director a ni a, Renaissance World Tour a neih a hmun hrang hranga a concert-na tarlanna a ni. He film hi Los Angeles-a premiere-ah pawh Destiny’s Child-a a lo thawhpui tawh thin Kelly Rowland, Michelle Williams, LaTavia Roberson leh LeToya Luckett te pawh an inlan a, celeb inlan midang zingah Janelle Monae, Lizzo, Chloe X Halle atangin Chloe leh Halle Bailey, Gabrielle Union, Lupita Nyong’o, Tyler Perry leh Kris Jenner te pawh an inlan.
Renaissance: A Film by Beyonce hi December ni 1 atangin cinema hall-ah an chhuah tan.
‘Renaissance’ premiere-ah Taylor Swift inlan
![](https://theaizawlpost.org/wp-content/uploads/1-214.jpg)