Daily Newspaper

RHCP guitarist thin Jack Sherman a thi

10

Red Hot Chili Peppers (RHCP) hun hmasa lama an guitarist thin Jack Sherman chu Zirtawpni kalta khan a thi. Jack Sherman hi kum 64 mi a ni a, a thih chhan hi puan a la ni lo.

RHCP chuan an group Instagram-ah Jack thih thu an post a, “RHCP chhungkuain Jack Sherman chu khawvel piah lam ramah tluang taka kal turin kan duhsak e, min kalsan ta si a,” tiin an post a, “Jack hi kan debut album leh USA-a an tour hmasak berah a tel. Mi danglam tak a ni a, hun hlimawm leh khirh kan hman ho tawhah kan lawm e,” an ti bawk.

Jack Sherman hian 1983-ah RHCP a zawm a, an founding member Hillel Slovak a thlak a, an band debut self-titled album-ah guitar a perh sak, 1984-ah US-a an tour hmasak berah telin, an album pahnihna ‘Freaky Styley’ atan hlaphuahnaa a tha a thawh ve nual hman bawk. Mahse, an frontman Anthony Kiedis leh bassist Flea te nen an inkarah neuh neuh a awm avangin 1985 khan band a chhuah san a, Slovak-a’n a thlak ve leh a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy