Daily Newspaper

Rhea-i’n Sushant Singh case CBI chhui tir turin Home Minister a ngen

12

Bollywood Star Sushant Singh Rajput thihna chu CBI chhui tir turin Sushant Singh thihsan tak a ngaihzawng Rhea Chakraborty chuan Home Minister a ngen a, mahni nunna lak duh hial tur khawpa a awm theihna chhan chu hriatchhuah ngei tha a tih thu a sawi.

Sushant Singh hi June ni 14 khan Bandra, Mumbai-a a apartment-ah inawkhluma hmuh a ni a, a ruang postmortem hnuah mahni intihlum a ni tih puan a ni tawh a, chuti chung chuan a ngaihzawng Rhea Chakraborty chuan CBI chhui tir ngei a duh thu hi Instagram-ah postin, “@amitshahofficial pu zahawm tak, Sushant Singh Rajput ngaihzawng Rhea Chakraborty ka ni a, mual min liam san atangin thla khat a tling ta. Sorkarah rinna ka nghat a, chutihrualin dikna chu hailan ngei a nih duhna avangin CBI chhui tir turin kutsuih chhungin ka ngen che a ni. Hetiang kawng zawh tur hian Sushant hian eng tiang taka nawrna nge a tawh tih hi hriat ka duh a ni,” a ti.

Rhea hian vauna pawh a dawng nasa niin a sawi a, pawngsual leh thaha vauna te, mahni intihlum ve tura vauna te pawh a dawng nasa niin a sawi a, chung a vauna dawn thenkhat chu a screen shot te a tilang tel a, cyber crime lam chhuitu te chu hma la turin a ngen nghal bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy