Aizawl West III bialtu MLA VL Zaithanzama hmalaknaa a bial huamchhunga ri hriatna lama harsatna nei tan beng entirna (Hearing Aid Clinic) runpui buatsaih a nih hnuah mi 120 chu Thawhlehni atang khan Redeem Hearing Aid, Dawrpui Aizawlah a tahtawlin beng dar pekchhuah tan a ni.
Kumin May 24 khan MLA VL Zaithanzama hian a bial chhunga ri hriatna lama harsatna nei, mamawh apiang tan Hearing Aid Clinic a buatsaih a, beng dar mamawhte hman tur khawl chahsakin, mi 120 hnenah a tahtawlh zelin pekchhuah tura ruahman a ni. Ri hriatna lama hartsatna neite hi uluk takin an khawl mamawh dan enfiah zel a ni.
Aizawl West III bialtu MLA chuan kum upa (senior citizen) te mamawh ngaihsak leh zahthiam hi mitin mawhphurhna a ni, tiin, “Kum a lo upat hian kan taksa a lo chak loa, a bikin mit leh beng lamah harsatna kan tawk zual thin niin a lang,” a ti a. Tun tum hi bial huapa hetiang an buatsaih tum hnihna a nih thu leh a tul ang zelin kum upa leh naupangte pawhin ngaihsak an hlawh a, tanpui an ngaihna zawnah zel theihtawp an chhuah dawn tih a sawi a ni.
Ri hriatna chaklo te bengdar pe
