Daily Newspaper

Riahbuk tha tak sak sak turin sawrkar ngen

9

Lirnghing nghawng avanga mahni ina riak ngam lo te riahna tur riahbuk tha tak sawrkarin lirnghinna hmuna sa turin an ngen tih ZPM Thalai president Malsawmzuala chuan a sawi.

ZPM Thalai Gen. Hqrs. hruaitute inhmuhkhawm July 23-a neihah thu sawiin ZPM Thalai president chuan, ZPM-in Mizoram khawchhaka lirnghing tuar khaw hrang hrang an tlawh thu te, lirnghing avanga chhiatna tawkte mangang viauin awmzia a nei lo tih hre chung si a, mangang lo thei loa awmte dinhmun a hmuna hmuh chuan tih theih an neihlohzia an hriatchian thu te, ZPM hminga lirnghing tuarte tana an phak tawk thilpek Tuipuiral Group YMA hruaitute kaltlanga an hlan thu te a sawi.

Tunhnaia minister-te leh MNF MLA te, lirnghing tuar khaw hrang hrang mipuite tanpui leh thlanmuan tura an zinkual chu lawmawm an tih thu ZPM Thalai hian sawiin, chutihrualin lirnghing avanga mahni ina riak ngam lo, playground-a chhungkua himna atana silpaulin hmanga riahbuk sual chawpte an lainatawm a tih thu a sawi. “Lirnghing hi eng chen nge kan buaipui dawn tih kan hre loa, lirnghing avanga leiminte awm thei a nih avangin, fur ruahsur hnuaiah pawh ngaihngam taka a duh apiang an tlankhawm a, an riahluh theihna tur riahbuk tha tak sak sak turin sawrkar kan ngen a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy