English Premier League 2025-26 a zova, player ten season liam ta chhunga player tha zual Professional Footballers’ Association men’s player of the year thlan tur chhawpchhuah a ni a. Chawimawina ngaihhlut hlawh dawng thei turin Arsenal midfielder Declan Rice leh Manchester United captain Bruno Fernandes te an langsar.
Arsenal leh England player pawimawh Declan Rice hi EPL-a Arsenal an champion na kawngah leh Champions League final an luh theih nan a thawh hlawk hle. Season liam taah a khelh tha em vangin EPL player of the season-ah thlan a nih rin ni bawk mah se Manchester United midfielder Bruno Fernandes a el phak lo. Rice aia Fernandes a chungnung hian sawi zui pawh a hlawh viau.
Trophy lak nei lovin seoson thlahliam bawk mah se United tan Bruno Fernandes a khel tha viau a, EPL-ah assist vawi 21 ngawt neiin EPL-ah season khata assist ngah ber record thar a siam hial. Mimal taka a chetthat em vangin EPL player of the season-ah thlan a lo ni tawh a. Football Writers’ Association’s men’s footballer of the year award a lo dawng tawh bawk. PFA player of the year pawh hi a dawn leh mai a rinawm hle.
Player ten an player pui tha ber an thlan theih tura chhawpchhuah zingah EPL-ah season thum chhung Golden Glove dawng zawn thei leh Arsenal champion puitu David Raya a tel a. Raya hi chhawpchhuah mi paruk zingah si nghak tel awmchhun a ni. Raya bakah hian Arsenal tlarhnung ban rinawm Gabriel a tel a, Manchester City player pahnih Erling Haaland leh Rayan Cherki te an tel bawk.
City goal thun khawl Erling Haaland hian season liam ta khan goal 27 thunin a vawi hnih nan EPL top-scorer a ni a. City tan season khatna tha taka hmangtu Cherki pawh City tan a khel tha thei viau bawk. He chawimawina dawng hnuhnung ber chu Liverpool winger Mohamed Salah a ni. Chawimawina hi August ni 25 a 53rd annual PFA Awards Ceremony-ah semchhuah a ni ang.
Chawimawina ngaihhluthlawh dawng thei tura chhawpchhua Ryan Cherki hi rawlthr tha chawimawina dawng thei turin chhawpchhuah a ni tel bawk. PFA young player of the year a thlan theih turin Premier League’s young player of the season England international Nico O’Reilly a tel a. Ani bakah hian Manchester United midfielder Kobbie Mainoo, Bournemouth forward Eli Junior Kroupi, Max Dowman leh Rio Ngumoha te an tel bawk.
Rice leh Fernandes an langsar
