A kalna apiangah a thla an lak sak huai huai a, chutiang chu ngaiah a nei tawh ang chu, kawvela zaithiam lar ber te zinga mi a ni miau a, mahse, lar viaua kan inhriat tawh hnuah pawh mi hre lo-tu an lo awm ve zel tho a, chutiang chu Rihanna pawin a tawng!
Weekend liamtaa Mancester City leh AC Milan te Yankee Stadium-a an inkhelh tuma video rawn lar thar a awm a, zaithiam leh sumdawng hausa tawntaw, billionaire Rihanna chu footballer Christian Pulisic, Jack Grealish leh Yunus Musah te nen thla an la ho a, an inbiak deuh mawlh mawlh laiin mipa naupang pakhatin rawn pawtchatin footballer te nena an thla lak sak turin Rihanna chu a rawn ngen mauh mai.
A kalna apianga miin thla an lakpui sup sup Rihanna tan chutiang chu thil thar a ni ngei ang, mahse, chhete pawhin a hial chuang lo, an inti-eng-emaw vel lovin celebrity mode atangin photographer mode-ah inthlak nghalin, angle dik turin thutthleng nghenchhan te a ngheng ve deuh rawk rawk a, mipa naupang leh a thiante niawm tak naupang dang pahnih te chu a rem kual ta nawk nawk zawk a ni.
He video hi social media lamah a darh a, fan pakhat chuan Rihanna aia footballer te thlalak puia thlang zawktu chu fiamthua comment-in, “anti tlangzarh lai khan a nu chhulah a la awm ang,” a ti. Anti hi Rihanna album hnuhnung ber, 2016-a a tlangzarh kha niin, Billboard 200 (albums) chart No.1 a kai.
Rihanna hre lo mipa naupangin thlalatuah a hmang
