Robert Pattinson Covid-19 test a positive avangin The Batman film chan lai an chawl
Twilight atanga kan hmelhriat Hollywood star Robert Pattinson chu COVID-19 test a positive tih an puang ve leh ta a, a changtupa berin coronavirus a kai tak avangin a channa thar The Batman an chanlai pawh an chawlhsan rih dawn a ni.
WarnerBros. chuan Pattinson Caovid-19 test a positive thu hi an puang a, a hming tarlang lovin, “The Batman production chu crew member Covid-19 test positive an awm avangin tawpsan rih a ni,” tiin thuchhuah an siam.
Kumin March thla khan UK-ah shooting an neih laiin coronavirus avang bawkin production an lo chawlhsan lailawk tawh bawk a ni.
Pattinson pawhin GQ-in an biaknaah London-a WarnerBros.-in apartment an luah sakah a ngaihzawng Suki Waterhouse nen an inkhung hran thu sawiin, “Ka awm mai mai a ni ber mai,” a ti.
Hripui avangin buai deuh laih laih chang nei ve mah se August thlaa virtual DC FanDome event-ah The Batman trailer an tichhuak tawh a, he trailer-ah hian a changtu langsar zual Zoe Kravitz leh Colin Farrell te pawh an lang.
(THE AIZAWL POST – Thalaite Huang)
Full>> ePaper Subscribe
