Daily Newspaper

Rock & Roll Hall of Fame-in Live 2020 Induction Ceremony an thulh

35

Rock & Roll hi chu a thawm a na thin, mahse, COVID-19 hripui a len meuh chuan an chet tur angin an che thei bik tlat lo. Rock & Roll Hall of Fame Foundation chuan
hripui leng avangin kumin atan live induction ceremony chu an thulh tih an puang a, lakluh thar te pualin TV special programme an hmang thung ang.

He program hi HBO-ah a en theih ang a, HBO Max-ah an stream dawn bawk a, November ni 7-ah tihchhuah a ni ang. Kumina Hall of Fame-a lakluh tur te hi January ni
15 khan puan an ni tawh a, lakluh tur zingah hian Depeche Mode, The Doobie Brothers, Whitney Houston, Nine Inch Nails, The Notorious B.I.G. leh T-Rex, bakah
journalist-turned-manager Jon Landau leh manager-turned-mogul Irving Azoff te pawh an tel.

35th annual Rock & Roll Hall of Fame induction ceremony hi May ni 2-a neih tura ruahman kha a ni a, mahse, March ni 24 khan hripui leng avangin sawn hlat a nih thu
an puang a, rin aia hripui a kian har tak avangin live induction ceremony pawh a awm dawn ta lo a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy