Daily Newspaper

Roller skate bun chunga minute khata inbin tam thei record siam

11

Manipuri mipa naupang pakhat chu roller skate bun chungin minute khatah vawi 42 a sir zawngin a inbin (cartwheel) hman a, Guinness World Record a siam.

Bluebells School International, New Delhi-a pawl riat zirlai, Tiluck Keisam, kum 13, hian DDA Squash & Badminton Stadium, Siri Fort Road, New Delhi-ah Nilaini kalta tlai lam khan record hi a siam a ni. He mipa naupang hian skate tawlhah lawmman te pawh a lo dawng nual tawh a, 2017 khan ama record siam khumin limbo skaing thui thei ber record a siam a, hemi tum hian a ke kar-full pap-in, 30cm leka sang thil kham hnuaia metre 145 (feet 475 leh inches 7) a thui skate-in a lo tawlh tawh a ni.

Tuna a record siam, skate bun chunga sir zawnga inbin record dinglai chu London-a cheng Tinuke Oyediran siam a ni a, ani hi minute khatah skate bun chungin vawi 30 a inbin thei a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy