Romantic spark vawn nun dan
Rei tak inkawp hnuah chuan kan inkara tek deuh sek sek awm thin kha a reh a, kan inkar pawh a romantic ta lo riau te hian kan hre thin. Mahse, kan inhmangaihna te a dai ta tihna a ni lova, kan induh tawn ta lo tihna pawh a ni hek lo. He inngaihzawnna boruak hlimawm, tek deuh sek sek hi a vawng nung thiam apiang an vannei mai a ni.
Khai le, engtin nge chutiang chu i tih theih ang, han chhiar zel teh le.
1. Nupui/pasal i neih hma khan eng nge nuam i tih thin? Thawnthu bu chhiar pawha zai ngaihthlak veng veng te a ni em? Inkhelh emaw, lui kal emaw, huan siam emaw te pawh a ni zawk em? Khatiang, nuam i tih em em thin, nupui/pasal i neih tak hnua i tih ngai tawh loh te kha han ti tha leh teh le. Chu chuan rilru thar a siam ngei ang che.
2. Kan inkawp rei tawh chuan engkim mai hi ngaia neih te a awl a, chutiang hunah chuan in-surprise zeuh zeuh hi a pawimawh khawp a nia. Ruahman lawkna hranpa pawh awm lova zin dun mai mai te, khawi lai resturant emaw zanriah han ei dun zeuh zeuh te pawh a tha. I haw pahin i kawppui tan pangpar te han lei zeuh la!
3. Hmangaih thu hi inhrilh fo tur. Inhrilhna chhan tur eng emaw bik riau nghah kher pawh a tul lem lo, tunlaiah chuan technology thar hmangin inbiak pawh te pawh a awlsam tawh. Buai viau mah la ‘Ka hmangaih che’ tih te kha a rin loh deuhin han text zeuh la!
Romantic spark vawn nun dan
![](https://theaizawlpost.org/wp-content/uploads/tap_logo-min-large.jpg)