Daily Newspaper

Rome-ah Djokovic khawng leh nghal

25

US Open fourth round match pakhata Spaniard Pablo Carreno Busta nen an inkhelh laia a tum anga a chetthat tawk loh avanga a awmeu ball tawngpawng vuakin line judge hmeichhe hrawk tak maia a fuh palh avanga disqualify Novak Djokovic chuan a hun tawn atanga zirlai a zirchhuah thu a sawichhuah hnu lawkah claycourt season bul tanin Rome a pan a, Nilaini Italian Open second round inkhel pakhatah 6-3, 6-2-in wildcard Salvatore Caruso a nawp.

World number one hian Flushing Meadows-ah khan set khatnaa Busta laka serve a hloh avangin a nungchang a hloh hlek kha a ni a, Rome khawpuiah erawh break point vawikhat pawh a hmachhawn ta lo a, unseeded Caruso lakah harsatna lian a t^wk lo.

Inkhelh banah Serb chuan US Open-a a tlak hma avang khan clay tournament hmachhawn turin inbuatsaihna hun a nei tha tih a sawi a, chawlhkar khat lai a practice hman avangin claycourt specialist Caruso lakah pawh tha takin chona a tlingtla thei tih a sawi.

Rome khawpui a thlen hnu hian thupha chawi reng renga hmanhlel ve ta rih Djokovic hian khelmual chhung leh pawnah amaha thaber lanchhuahtir a tum thu sawiin, tualchhung beiseiawm Caruso lakah pawh a nungchang a tluang ta purh a, ve bawkin, harsatna a tawk lo ve >m a ni!

|umli lai Rome champion lo ni ve tawh Djokovic hian he tournament-a match 60 a khelh tawhah vawi 51 hnehna changin, awikaw champion tling Rafael Nadal tih loha he tournament history-a player hlawhtlingber a ni.

Kumin bika match 28 a khelh tawhah Djokovic hi vawi 27 a chak tawh a, September ni 27 atanga Roland Garros-a khelh tan tur French Open-ah hian a Grand Slam title 18-na tur a beisei leh dawn a, chumi tur chuan last 16 luh inchuh match lamah a chipui Serb Filip Krajinovic leh Italian Marco Cecchinato inkhela chak zawk zawk a hmachhawn leh phawt ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy