Daily Newspaper

Rome final vawihnih khel tawh Halep chak

12

World No 2 Simona Halep chu thlakhat kaltaa Prague Open title a hlawhchhuah hnua a vawikhatna atan khel-mualah a inlan ve leh ta a, Nilaini khan tumhnih lai runner up a nih ve tawhna Italian Open-ah third round a lut.

Top seed Halep hian Europe lama mar zawka inlan a duh avang leh hripui laka himna a ngaihpawimawh avangin US Open khelh loh kha a thlang a, Rome khaw-puiah claycourt season a tan a, a bultanna in-khelah wildcard Jas-mine Paolini chu 6-3, 6-4-in a hneh phawt.

Kum 28 mi Wimble-don champion hi kumin bikah match hnih chiah a la tl^wm a, Rome khaw tournament-ah hian rinkai zingah telin, Dayana Yastremska leh Amanda Anisimova in-khela chak zawk zawk a tum leh dawn a ni.

Nilaini women’s draw inkhel dangah Czech second seed Karolina Pliskova pawh-in a title kawl lai humhim a tumna kawngah hneh-na nuamsa pangngai a chang a, a chipui Bar-bora Strycova chu 6-3, 6-3-in a vawchhuak.

Hetih lai hian US Open final-a chak zo ta lo Belarusian Victoria Azarenka pawhin Ame-rican Venus Williams lakah 7-6 (7), 6-2 hneh-na sualchhuakin, se-cond-round lamah third seed Sofia Kenin a tum leh ang.

Western & Southern Open title laa US Open final a luh hnuah Azarenka hi hardcourt atangin clay leilungah a insuanlut a, harsatna a tawk zui lo rih phawt.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy