Daily Newspaper

Ronaldo chungah Messi

8

Video games nuam dangdai tak siamchhuak-tu EA Sports chuan FIFA 21-a player hlut zawng an puangzar a. Barcelona leh Argentina fachuam Lionel Messi chu player hlu ber niin a elpui Cristiano Ronaldo chung ah a awm. PFA player of the year a thlan thar Kevin de Bruyne chu Premier League player zingah ranking-a sang ber a ni ve thung.

FIFA 2019-20-ah Messi point 94 hmuin Messi hi top-rated player a lo ni tawh a, FIFA 21-ah point khatin tlahniam hret mahse top-rated player a la ni tho a, point 92 hmutu C. Ronaldo aiin point khatin an sang zawk. Season liam taah khan Lionel Messi hi mimalin a che chhe hran lova, La Liga-ah top-scorer a ni. Barcelona erawh chuan season chhe tak an hmang thung a, trophy chawi nei miah lovin season an khar. Champions League-ah Bayern Munich in an sawp vangin a hming-chhe leh zual hle nghe nghe. Messi-a’n trophy lak a neih loh lai hian FIFA 21 ranking-ah a hnuai chiaha awm C. Ronaldo erawh chuan Serie A-ah Juventus a champion pui thung.

Ballon d’Or sem chhuah nise a dawng ngei tura ngaih Robert Lewandoski chuan point 91 hmuin pathumna a luah. Point 91 hmu hi player pali ngawt an awm a; Premier League midfielder tha tak Kevin De Bruyne, PSG inngahna Neymar leh Atletico Madrid singhak Jan Oblak ten point 91 theuh an hmu. Premier League player zingah chuan ranking-ah De Bruyne a sang ber a, a hnuai chiahah hian point 90 hmu Liverpool player pali an awm thawt a, chungte chu; Virgil Van Dijk, Mohamed Salah, Sadio Mane leh Alisson te an ni. PFA Young player award dawngtu Alexan-der Arnold chuan point 87 a hmu a, a point hmuhah a lawm tawk thu a sawi nghe nghe.

FIFA video games ngainatuten an ngah-hlelh em em FIFA 21 hi October ni 9 khian Play-Station 4, Xbox One, Nin-tendo Switch leh Micro-soft Windows-ahte tlang-zarh a ni ang.

FIFA 21 top rated
93 – Lionel Messi

92 – Cristiano Ronaldo

91- Robert Lewandow-ski, Kevin De Bruyne, Ney-mar, Jan Oblak

90 – Virgil van Dijk, Kylian Mbappe, Moha-med Salah, Sadio Mane, Alisson Becker, Marc-Andre Ter Stegen

89 – Sergio Ramos, Manuel Neuer, Sergio Aguero, Karim Benzema, Casemiro, Thibaut Cour-tois

Top Premier League
91 – Kevin De Bruyne

90 – Virgil Van Dijk, Mohamed Salah, Sadio Mane, Alisson

89 – Sergio Aguero

88 – Harry Kane, Raheem Sterling, Eder-son, N’Golo Kante

87 – Trent Alexander-Arnold, Hugo Lloris, Pierre-Emerick Aubameyang, Son Heung -min, Fabinho, Bruno Fernandes, Aymeric La-porte, Andrew Rober-tson, Bernardo Silva

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy