“Rorelna Dik Duhtute” chuan ram rorelnaah Pathianin lalna a chan a, Pathian ram a thlen zau zel nana hmalak hoa, hlemhlet, hleihlen leh dan bawhchhiatna um boin, ram rorelna dik leh fel a awm theih nan a hmala ho turin mi zawng zawng an sawm tih an sawi.
Aizawla thuthar thehdarhtute an kawmnaah, Mizorama political party hrang hrangte chu sum hmatheha mipui hnena inzuar tawh loh turte, party sawrkar niloa mipui sawrkar siam turte in an ngen tih an sawi.
Kohhran mipuite chu party ruihchilh lo tur leh mahni mimal hamthatna um loa, mipui hmasawnna khairual chauh duh tura rilru pu turin an ngen bawk.
Kohhran hruaitute leh NGO hruaitute pawh sawrkar laka tlaktlum tum mai loa, Pathian lalram a thlen ngei theih nan roreltute kalsualna siamtha tura huaisen taka ke pe ngam turin an ngen a ni.
Rorelna dik duhtute hian The Aizawl Post zawhna chhangin, pawl anga indin chhoh an tum loh thu leh he rorelna dik duhtute zingah hian mi zawng zawng tel vek tura an sawm thu an sawi a. Kohhran hruaitute leh NGO hruaitute titi puia hma lak chhunzawm zel an tum tih an sawi a ni.
Rorelna dik khuhhawng
![](https://theaizawlpost.org/wp-content/uploads/2023/02/rr-1-1024x768.jpg)