Party mal vaw zawng nilo, rorelna kalpui duhdan chu pulpit atangin sawi mai zawk nise a that a rinawm tih MNF treasurer K Vanlalauva chuan a sawi.
Zirtawpnia MNF office, Mizo Hnam Runa inkhawmah K Vanlalauva chuan engvangin nge kan sakhaw puithiamten pulpit tlang atangin politics an sawi fo mai le, tih zawhna a awm mek tih sawiin, “Bible-ah chuan roreltute hi Pathian ruat an ni tih a lang a. Chuvangin pulpit tlang atanga ram rorelna thu kan puithiamte, revival speaker-te leh kan pastor ten an sawi hi a thiang a ni. Amaherawh chu, an beramte hnenah rorelna kalpui an duh dan an sawi mai tur a ni a. Chutihlaia tute party mal lawmna tur emaw tute party vaw zawng bik chauha sermon erawh rawngbawltute tih tur piahlam a ni a, beramte hraipuar turin a tlak loh tihna a ni,” a ti a. An beramte zawng zawng ei theih tur a nih loh chuan a dik thei loa, rawngbawltu tha a ni thei lo tih sawiin, “Min chawm nan thu an sawi tur a ni a, an beramte biak ina kan thut khah thup lai a, kan rilru tinatu chauh sawi an nih chuan a dik thei dawn lo a ni,” a ti.
MNF treasurer chuan zalenna an sualna kawngah ramhnuai lama hun khirh an tawh laia overground-ten an hruaitu hmasate an awm ta lo, tih vanga hnam movement sawichhia a, ara chuktui loa an sawi emaw an ziak a nih chuan an thu a ni. An luchungah meiling an chhek a ni a, an tan a la pawi dawn, tiin a sawi. “Hetiang sawitute hi an tlawm vang emaw hnam an hmangaih tawh loh vang emawa chhuak an ni bik lo; anmahni’n an zir phawt chuan hnam movement-ah hian an leng a, an ta a ni,” a
Rorelna kalpui duhdan sawi mai zawk turin rawngbawltute chah
