ROSE leh Bruno Mars ‘APT.’ a la lar ber

ROSE leh Bruno Mars ‘APT.’ a la lar ber
ROSE leh Bruno Mars hla hit ‘APT.’ chu Billboard Global 200 chart-ah a No.1 a, he chart-a kar sarih a No.1-na a ni. Hetihrual hian chart top 10-ah Krismas rimnam hla pali a lang tel ve leh ta bawk.
Billboard Global 200 chart hi khawvel huapa kar khat chhunga hla lar dan tehna niin, chart ranking siam nan hian official-only stream (subscription leh ad-supported audio leh video music services) leh download sales te chu tehna pawimawh a ni.
‘APT.’ hian kar khat chhungin ram hrang hrang 200 chuangah stream maktaduai 149.9 leh sales 18,000 a la nei thei a, hei hi chart-ah a No.1 pui leh ta a ni.
He hla hi an tlangzarh atangin kartin streaming maktaduai 100 a la kai ziah a, kar sarih chhung streaming maktaduai 100 chunglam a la ni vek a, hetiang tithei hmasa ber a ni a, kar khat a khawvel huapa hla stream tam zual pariat zinga pasarih a ni thei.
Mariah Carey Krismas lengzem hla hit ‘All I Want for Christmas Is You’ chu stream maktaduai 92.7 leh sales 7,000 tlingin No.9 atangin No.2-ah a invawrh ve leh ta. He hla hi 1994-a a tlangzarh kha niin, he chart-ah hian kar 18 a No.1 tling tawh a, 2023 leh 2022-ah kar nga ve ve No.1 niin, 2021 leh 2020-ah kar li ve ve a No.1 tawh bawk.
Krismas rimnam hla hlui dang pawh chart-a rawn lang thar a awm leh nual tawh a, 1984-a Wham! hla hit ‘Last Christmas’ chu stream maktaduai 84.3 tlingin, No.11 atangin No.4-ah a invawrh a, Brenda Lee “Rockin’ Around the Christmas Tree’ pawh stream maktaduai 63.6 kaiin, No.21 atangin No.6-ah a invawrh a, Bobby Helms “Jingle Bell Rock’ chu stream maktaduai 56.7 tlingin, No.25 atangin No.8 a kai thar ve leh ta bawk.
Chart No.1 hlui Lady Gaga leh Bruno Mars ‘Die With a Smile’-in stream maktaduai 115.2 neiin, No.2 atangin No.3-ah a tawlh a, he hla hi kar riat chart-ah a No.1 thei a, he chart-a hla No.1 ni rei thei ber a la ni.
Khawvel huapa kar khata hla stream tam zual top 8:
224.5 million, “APT.,” ROSÉ & Bruno Mars, Nov. 2
207.5 million, “APT.,” Nov. 9
176.8 million, “Fortnight,” Taylor Swift feat. Post Malone, May 4
162.2 million, “APT.,” Nov. 16
160.6 million, “APT.,” Dec. 7
149.9 million, “APT.,” Dec. 14
146.4 million, “APT.,” Nov. 23
132.7 million, “APT.,” Nov. 30
Billboard Global 200 Top 10:
1 APT. – ROSE & Bruno Mars
2 All I Want For Christmas Is You – Mariah Carey
3 Die With A Smile – Lady Gaga & Bruno Mars
4 Last Christmas – Wham!
5 Luther – Kendrick Lamar & SZA
6 Rockin’ Around The Christmas Tree – Brenda Lee
7 Birds Of A Feather – Billie Eilish
8 Jingle Bell Rock – Bobby Helms
9 TV Off – Kendrick Lamar Featuring Lefty Gunplay
10 That’s So True – Gracie Abrams