Daily Newspaper

RS MP-in Mizoram mamawh a bawhzui

11

Mizoram MP (Rajya Sabha) K. Vanlalvena chuan July 24 khan Union ministry-a secretary pahnih hmuin Mizoram mamawh a sawipui.

MP hian Union Ministry of Earth Science secretary Dr Rajeevan a kawm a, rawtna pahnih a thlen. Mizoram khawchhak lama lirnghin thin dan data leh India sawrkar atangin a hmun ngeia kala endiktu tur investigation team tir tura ngenna a thehlut a. Hei bakah hian, Pachhunga University College-in lirnghing chungchang zirchianna tura project a lo thehluh tawh, sawrkar laipuiin a lo hnawl tawh hnu chu tharthawh leha pawmsak turin ngenna a thehlut.

Dr Rajeevan leh amah tawiawmtute chuan kum 2000 hnulamah hmar-chhak huamchhungah ‘small siesmic change’ a awm thu sawiin, Mizoramah fault system pahnih a awm tih an sawi a. Mizoram chungchang bik chu a hma aia khunkhan zawka an lo ngaihtuah tur thu leh investigation team tirh pawh thukhawma an lo ngaihtuah tur thu Mizoram MP hi a hrilh a ni.

MP K. Vanlalvena hian Ministry of Tribal Affairs secretary Deepak Khandekar pawh hmuin Mizoram sawrkarin project a lo thehluh tawh, lockdown avanga pending project pahnih a bawhzui. Union secretary chuan NE state-te zingah Mizoram chu project thawk tha ber a nih avangin tanpui tura an inpeih reng thu leh MP-in project a bawhzui mek chu Mizoram sawrkarin a chhan tur lehkha pakhat chhanna an hmuh hunah fund hi pekchhuah nghal a nih tur thu a lo hrilh a ni.

Rajya Sabha MP hi Delhi-a additional resident commissioner David Lalthantluanga’n a tawiawm a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy