Budget session kal mekah nimina zawhna leh chhanna huna house member Robert Romawia Royte zawhna starred question 244-na chuan house chhung boruak a tilum hman hle.
Zawhna hi – sorkar kal ta (MNF) hun laia Covid avanga Mizoram sum hmuh tur kan hmuh kim loh kha engzat nge? tih a ni a. Finance minister-in chhanna chu, zawhna neituin RTI atanga information nen a inang lo, a ti a. Hemi chungchangah hian opposition leader a rawn inrawlh a, RTI chhanna leh house-a finance minister chhanna figure inang lo neih chu tha lo a tih thu sawiin a khawi zawk nge rin tur ennawn theih nise a duh thu a sawi a. Chhanna dik chu vawiina chief minister demand sawihonaah hriat theih nise tiin a rawn rawt a ni.
Central atanga Share of Taxes hmuh dan, nimina zawhna chhanna leh RTI zawhna chhanna a inang lo nia sawi hi thil mak tak mai a ni a. Share of taxes hi chu information dawnna pakhat chiah awm tura ngaih a nih avangin khawi hmunah pawh a figure hi a dang lam thei lo tura ngaih a ni. Covid avanga Central sorkar tanpuina Mizoramin a dawn zat erawh, finance lama lut lo, department hrang hrangin an dawn khawm te awm thei a nih avangin RTI chhanna leh Finance lam information hi inang lo thei chu a ni awm e. House chhung meuha hetiang thil a thleng ta hi, fimkhur phahnan hmangin hei hi a tha zawnga chhawr tangkai theih ni se a duhawm hle a ni.
RTI hmanga information dil a nih hian, a tlangpuiin hun rei tak tak a awh thin. A nihna takah chuan, sawrkar department-te hian website an nei vek a, an activity/record/report engkim mai hi mipui hmuh theih tura tarlan tur tih dan a awm a. Website lamah tarlang chiah lo mah se, an hnathawh dan engkim record/report hi an kawl vek tura ngaih a ni a, han click zeuha lak chhuah mai theih tur a ni. Mahse thla khat te nghah a ngai thin a, chu chuan sawrkar hi a langtlang tak tak lo tih a lantir awm e. RTI chhanna dik leh dik lo chungchanga House a buai ta hi, inenfiahnan leh insiamthat nana hman nise a duhawm hle a ni.
RTI chhanna dik zawk…
