National Highway 6 kawng chhe zual thawmthat hna thawh mek chu chak lehzuala thawh a nih theih nan December 6 (Nilaini) atanga thu leh awm hma chu Bualpui quarry (Mandir bul) atanga RTP Farm Sethawn bul kawngpui chu nitin chawhma dar 11.00 atanga chawhnu dar 2.00 inkar chhung lirthei eng chi mah tlan phal loha khar thin a ni dawn.
Kolasib SP Lalrinawma Traite chuan danin thuneihna a pek angin lirthei chetvel dan turah thupek hi a chhuah a. He kawngpui siamthat hna thawh dan hi lane khat hi thawmthat hna thawh reng tur a ni a, lane lehlama lirthei veivak reng thei tura ruahman a ni. Darkar thum kawng khar a nih chhung hian lirthei zawh lam lane-a lirthei lian rit tak takten kawng an dai chhiat avanga harsatna nasa zawk awm thei ven nana he lane thawmthat hna hi thawh thin tur a ni ang.
Thupek zawm lo chu 177 MV Act hmanga hrem an ni ang. Thupek hian tul bik thila police, Fire department, ambulance leh magistrate-te chetvelna a huam lo ang.
RTP Farm bul siamthat laiin kawng khar dawn
![](https://theaizawlpost.org/wp-content/uploads/tap_logo-min-large.jpg)