Ruah leh leiminin thlai leh
dil a tihchhiat dan zirchiang
National Disaster Management Authority (NDMA) Productive Sector Team chuan ruah leh leimin avanga thlai, leilet leh dil chhia endikin Serchhip Zawlpuiah Post Disaster Needs Assessment an nei.
Productive Sector Team hian Agriculture, Horticulture leh Fisheries hnuaia chhiatna hrang hrang a hmunah an en a. Field survey an neih zawhin line department hotute nen Serchhip bawrhsap Paul L Khuma kaihhruaiin an sawiho zui a ni.
Thutkhawmah hian line department ho chu fimkhur lehzual data dik leh rintlak lakhawm a, thlai leh thildang a tihchhiatte bakah mipui mimir a nghawng dan, socio-economic impact pawh uluk taka zirchianga lakhawm turin an ngen a ni.
NDMA Productive Sector Team-ah hian consultant (Productive) pahnih – CT Mohan leh L Thungbeni Murry an tel a. Anni bakah hian Serchhip district thuneitute, Agriculture, Horticulture leh Fisheries department officer-te an tel a ni.
Ruah leh leiminin thlai leh dil a tihchhiat dan zirchiang
