Daily Newspaper

Rubber chingtu chhungkaw 90 hnenah rolling machine hlan

15

Aizawl district huamchhunga rubber chingtu chhungkaw 90 hnenah rubber sawngbawlna khawl ‘Rubber Rolling Machine’ leh a kaihhnawih hmanraw dangte Land Resources, Soil & Water Conservation Department chuan subsidy-in an ruahman sak a. Rubber chingtute hnena pekchhawn tur heng bungraw phurtu lirtheite hi Nilaini zing khan LRS&WC minister R. Lalzirliana’n Aizawlah a vailiam.

Minister chuan Mizo zingah rubber hlawkzia hriain a chingtu pawh an pung chho zel a, sawrkar chuan anmahni tan khawl leh a urna in ‘Smoke House’ sakna tur a ngaihtuahsak tih a sawi.

Sawrkar atanga tanpuina dawnga rubber ching chhungkaw 2,927 an awm laiin, sawrkar puihnaa innghat loa mahni kutkawiha rubber buaipui chhungkua an tam zawk tih a sawi a. Heng mite hi entawntlak hlea a hriat thu a sawi. Mizorama rubber sawrchhuah chu Tripura aiin a tha niin mithiamten an sawi a ni, tiin, a tir lam kum 7-8 vel enkawl ngai mah se, chumi hnuah chuan eizawnna tha tak a ni thei a ni, a ti.

Minister hian SEDP pilot project kaltlangin kuhva chingtu thlanchhuah chhungkaw 200 hnenah huan samna tur Rs. 25,000 theuh pek tum a nih thute, rubber chin lama hmalakna atan NABARD atangin cheng nuai 680 hmuh a nih thu te a sawi.

Aizawl district huamchhung – Thingsul, Saitual, Sakawrdai, Khawruhlian, Hmunnghak leh khaw danga chhungkaw 90 hnenah rubber rolling machine leh a chhawm tel bungruate hi pek a ni a. Khawl man hi beneficiary tinin Rs. 10,000 in an dolet ve a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy