Rubik’s cube an ti a, thil herh kual theih, rawng chi hrang hrang kil li nei in rem deuh thet a ni a, a rawng inang zawng zawng a hmai khata awm vek tura rem tur a ni. Hetiang hi mi nazawn chuan kan beih ngial pawha kan remdik theih loh tur thil a ni. Mahse, Max Park chuan second 3.13 chhunga remdik hmanin Guinness World Record, Rubik’s cube remdik rang thei ber record a siam.
Max Park hian a hmain second 3.63 chunga remdikin Yusheng Du record, second 3.47 a pha lo a, mahse, tunah chuan Max hian record thar a siam ta a ni. Max Park hi USA a cheng niin, 3x3x3 Rubik’s cube record hi Pride in Long Beach 2023 event California-a June ni 11, 2023-ah a siam a ni.
Max Park, kum 21, hian second 3.13 chhungin a remdik hman a, a hmaa record siamtu Yusheng Du hi Chinese niin, record hi second 0.34-in a khum ta a ni.
Max hian spedcubing-ah talent a nei tha hle a 3x3x3Rubik’scube mai bakah 4x4x4, 5x5x5, 6x6x6 leh 7x7x7 cubes-ah te pawh single-solve leh average-solve world records a siam tawh bawk.
Rubik’s cube remdik rang record siam
