Baptist Church of Mizoram hnuaia Social Concern Department-in Ruihhlo Do Committee campaigner-te hman turin Ruihhlo Do Kaihhruaina (Booklet) a siam chu hman theihin a peih tawh.
BCM Assembly Executive Committee chuan ruihhlo do beihpui thlak nise, Social Concern Department-in hma la se, tiin a rel a. Assembly 2024 chuan pawmin Assembly-ah hian ruihhlo do beihpui khuhhawna hma lak tan nghal a ni. Social Concern Department chuan Ruihhlo Do Sub Committee dinin, hmalak dan tur ruahmanna a duang a ni.
Chhawmdawlna In project manager Lalnunzami Chawngthu chuan kaihhruaina bu hi a siam a. Ruihhlo do programme hrang hranga resource person atana ruatten an mamawh angin an hmang thin dawn a ni.
Hmalakna tura chhawpchhuah zingah – baseline survey neih, Ruihhlo Do Sunday hman, ruihhlo la khawih ve lo te venhimna lam, ruihhlo ngawlveite enkawl (care & support) lama hma lak, nu leh pate zinga hma lak leh biak in, school, chanchinbu leh social media hmanga hma lak, sawkar leh NGO dangte nena thawhho dan tur zawnte a ni. Heng atana campaigner leh resource person atana ruat te kaihhruaina turin booklet hi siam a ni.
Ruihhlo do dan turah inkaihhruaina siamsak
