Ruihhlo do kan bansan thiang lo – Excise & Narcotics minister

Ruihhlo do kan bansan thiang lo
– Excise & Narcotics minister
Ruihhlo do chu kan bansan thiang loa, peihloh san mai loa beih fan fan a ngai tih Excise & Narcotics minister Lalnghinglova Hmar chuan a sawi.
Hnahthial district-a ruihhlo ngawl veite enkawlna hmun, Jehova Jire Camping Centre chu minister hian Zirtawpnia khan a tlawh a. Bialtu MLA Pu Jeje Lalpekhlua’n a tawiawm.
Minister chuan Hnahthial district a tlawh chhan pakhat chu ruihhlo do a ni, tiin, ruihhlo ngai, an chhungte ngei pawhin enkawl ngaihna an hriat tawh loh enkawl tura inpe zo tak, anmahni puihna atana he Camping Centre dintu, Pu Hmingthanzuala te chhungkua chu fakawm a tih thu a sawi.
Ruihhlo do chu kan bansan thiang lo, tiin, peihloh san mai loa bei fan fan turin camping centre enkawltute a sawm a. Camping centre-a awmte chu LESDE hnuaiah skill training neihpui dan kawng a zawnsak dawn tih a sawi a ni.