Ruihhlo Do Sunday hmang dawn

Baptist Church of Mizoram chuan June 9 – Pathianni hi kohhran pumah Ruihhlo Do Sunday atan an hmang dawn.
BCM Assembly 2024 khan ruihhlo leh a kaihhnawih that loh zia inzirtirna beihpui thlak khuhhawn a ni a. BCM Social Concern department-in hemi bawhzuina kal zel atan hian kohhran pumah Ruihhlo Do Sunday hman nise, tia ruahmanna a siam angin, Administrative Committee chuan June 9-a hman tur hian a ruat a. Social Concern Committee-in hma la in, hemi ni thupui atan “A bote chu ka zawng anga, hnawh bote chu ka hruaikir leh ang” (Ezekiela 34:6) tih hman a ni.
Mizoram khawpui hrang hrangah ruihhlo do campaign nei turin Headquarters-a hruaitu leh pastor te, bialtu pastor leh kohhran upa leh rawngbawltu engemawzat an ruat a, tualchhung kohhran 191-ah insem darhin hun an hmang dawn a ni.
Kohhran kalna tur ruatsa leh thusawitu ruatsa awmlohnaah chuan thupui thlansa hmang hian tualchhung kohhranin a ruat thusawituten thupui tlawhchhan hian ruihhlo leh a kaihhnawih that loh zia inzirtirna thuchah sawi tura ngen lawk an ni.