Ruihhlo kaihhnawiha mante na zawka hrem theih dan relin Narcotic Drugs & Psychotropic Substances Act 1985 hnuaia ruihhlo do leh a kaihhnawiha harsatna thleng thin zirhona chu Ningani khan Aizawlah neih a ni.
Hmanpuitu Home minister K Sapdanga chuan ruihhlo chu hnam ang pawha Mizote nasa taka min runtu a ni, tiin, kumin August thlenga heroin man zat chu nikum chhung zawnga man zat thuak a ni tawh a, thalaiten an thihpui nasa hle tih a sawi.
Ruihhlo do kawngah NGO, executive leh judiciary tanho a ngai tih sawiin, ruihhlo neitu dik takte chhuichhuaha dan anga rorel sak an nih ngei a duh tih a sawi.
Central YMA president Lalhmachhuana pawhin, thahnemngaia an lo thawh tang tang na chu tih hlawhtlin a nih a, a tisualtuten an tuar ngei theih nan prosecutor-te leh law enforcement agency-te a sawm a. “Kan hnamin chhanchhuah a ngai a ni,” a ti.
High Court Legal Services Committee chairman, Gauhati High Court judge Justice Nelson Sailo chuan ND&PS Act 1985 hriatchian pawimawhna leh eng dan pawh a tum ang taka kenkawh a pawimawh tih a sawi a. Mizoram State Legal Services Authority executive chairman, Gauhati High Court judge Justice Michael Zothankhuma pawhin ruihhlo chu khawvel ramtin deuhthawa buaipui a nih dan, a dona kawngah chuan dan kengkawh thei tura tanrual chu sawt bera a hriat thute a sawi bawk.
Workshop-ah hian Mizoram Police, Excise & Narcotics, forensic expert lam, prosecutor atangte in thu an sawi a ni.
Ruihhlo kaihhnawiha mante na zawka hrem theih dan rel
