Ruihhloa fihlim lo zirtirtute
lakah na taka hma lak tum
School Education Department hnuaia State Level Anti-Drugs Committee chu Ningani khan School Education minister Dr Vanlalthlana hoin an thukhawm a, ruihhlo laka school naupangte fihlim theihna atana hmalak dan tur an rel.
Ruihhloin school naupangte a tihbuai dan zirchianna awm tawhte thlirho niin ruahmanna siam a ni a. Hmalakna atan School Drug Policy buaipui turin Drafting Committee din a ni.
Ruihhlo laka fihlim lo zirtirtute lakah na taka hma lak a nih tur thu leh school leh a chhehvela ruihhlo ti leh zuarte dimdawi an nih loh tur thu sawi a ni a. Ruihhlo leh a kaihhnawih natna avanga Mizoram hming mawi lo thin chu zirna hmanga siamthat dan tur leh sawrkar, khawtlang, kohhran leh chhungkua tan ho dan tur ngaihtuah a ni. A kaihhnawih department – Health & Family Welfare, Social Welfare leh Excise & Narcotics nen ruihhlo do kawnga thawhho dan tur rel a ni bawk.
Thutkhawmah hian School Education Department, Mizoram Social Defence & Rehabilitation Board, Social Welfare & Tribal Affairs, Excise & Narcotics Department hotute leh Mizoram Teachers Federation hruaitute an tel a ni.
Ruihhloa fihlim lo zirtirtute lakah na taka hma lak tum
