Mizoram University Zoology department-a Prof. HT Lalremsanga leh a thawhpuite chuan Mizoram leh a thenawm rama rul chanchin an zirchian mekah Rakhine Yoma Elephant Wildlife Sanctuary atangin kawr ruama khawsa chi rul chi thar an hmuhchhuak.
Prof. HT Lalremsanga leh research scholar Lalbiakzuala bakah an thawhpui Vietnamese herpetologist Tan Van Nguyen leh German herpetologist Gernot Vogel te chuan Mizoram, Bangladesh, Myanmar leh Asia chhimchhaka rul DNA leh pianphung an zirchianna atangin rul chi thar hi an hmuchhuak a. A hmingah French taxonomist ropui, Patrick David hming chawiin ‘Herpetoreas Davidi’ an phuah.
An rul chi thar hmuhchhuah hi scientific research journal, European Journal of Taxonomy volume 932 chuan a tlangzarh a ni.
Rul chi thar hmuchhuak
