Daily Newspaper

Rulchawma chhiat tawkte tlawh

25

Tawi bialtu MLA, minister R. Lalzirliana chuan a bialchhung Rulchawm khawchhunga lei tlahniamin chenna in a tihchhiatte a hmunah a endik a. Leimin avanga in leh lo chan chhungkaw 7 hnenah tanpuina sumfai singhnih theuh a hlan.

Tun dinhmunah leimin chhan leh a nghawng theihte chiangfaka sawi theih la ni lo mah se, enfiaha zirchian thuai a nih tur thu minister hian a sawi a. Hmalak zel dan tur pawh sawrkarin mithiamte tirin ruahmanna a siam dawn tih a sawi.

October 2 zing dar 7.35 vel khan Rulchawm field chhakah lei a tlahniam a, motor kawngpui a tlakbal vek bakah hemi zawna awm chenna in pathum – luahlai pahnih leh sak mek pakhat chu a tawlhpui a. A bulhnaia in pali pawh luah ngam lohin a neituten an chhuahsan a ni. Leiin a tawlhpui in leh a bulhnaia luah ngam lohte hi Inrinni khan Rulchawm khua hian hnatlangin a theih ang ang an thiat a, an senghawi nghal. An khaw bulhnai Saitual, Keifang, Ruallung, Mualpheng leh Lenchim atangin pui turin khawtlang an thawkchhuak bawk.

Inkalpawhna kawngpui bal hi siamthat a nih leh theih nan bialtu MLA hian PWD hotute a be nghal a. Leimin tihchhiat kawngpui siamthat hmaa inkalpawhna a awm theih nan pumpelh kawng siamna turin cheng nuai 5 a ruahman. A tula hman atan Rulchawm VC hnenah silpauline 16 a hlan bakah hnatlang thingpui inna atan cheng sing hnih a hlan bawk.

P&E minister R. Lalzirliana hian Saitualah a bial chhunga khaw 14-a chhit turin solar street light 363 a semchhuak nghal a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy