Daily Newspaper

Russia-in Sputnik V vaccine sem chhuak tawh

12

Moscow chuan Sputnik V Covid-19 vaccine chu Inrinni atang khan clinics 70 atangin mipui nawlpui hnenah a pechhuak tan tak chu Moscow coronavirus task force te chuan an sawi.

Task force te chuan Russian siam vaccine te hi doctor leh medical workers, teacher leh social worker te hnenah he natna kai thei ber ber an nih avangin pek hmasak ber an nih phawt thu an sawi bawk a.

“Educational institution a thawk i nih chuan Covid-19 vaccine la tura ngaih pawimawh ber i ni a, a thlawnin i dawng ang,” tiin text message hmangin zirtirtute chu hrilh an ni.

Moscow khawpui hi Russia a coronavirus leng hluarna ber niin September thlaa 700 vel a kai hmuh a nih laiin tunah chuan zan khat thil thuah kai thar 7,993 lai hmuh a ni a.

Sputnik V vaccine hi darkar nga chhungin mi 5,000 hnenah pek nghal anih thu Mayor Sergey Sobyanin chuan a sawi a. Kum 60 chin te hnenah pek hmasak phawt an nih thu a sawi bawk a.

Russia chuan Covid-19 vaccine pahnih a siam a, Sputnik V hi Russian Direct Investment Fund tena an thlawp niin a dang pakhat chu Siberia a Vector Institute te siam niin an pahnih hian final trial la zo lo ve ve an ni.

Scientists te chuan Russia-in vaccine a siam awlsam lutuk chu ngaihthatlohna an neih thu an sawi thung a, full trial nei tak tak hman lo leh a him em tih finfiah hmasa lova mass vacination kalpuiah an puh thung.

Russia-in coronavirus vaccine a siam Sputnik V caccine hi tum hnih injection a pek tur niin a tum hnihna hi ni 21 hnu pek tur a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy