Russia in Syria remna leh muanna la duh pui reng

Russia in Syria remna leh muanna la duh pui reng
Russia foreign ministry chuan pathianni a Syria president Bashar al-Assad-a’n a office a chhuahsan leh remna a awm theih nana thuneihna midang hnena a hlan thu a sawi chu an pawmpui thu sawiin, remna leh muanna a awm theih nan theihtawp an chhuah ve tur thu a sawi zui.
Thuchhuah an siamah ministry chuan Assad chua himna zawnga an ram a pan thu leh Russia chuan hemi chungchangah hian inrawlhna a neih loh thu a sawi bawk.
Russian foreign ministry chuan Assad hian an ram chhunga ralthuam hmanga inbeihna hrang hrang a awm avanga ban a tum thu chu an lo hre ve tawh tih sawiin, remna zawnga a inpekna zawng zawng thlenga an hriatpui thu a sawi.
Mahse, eng thilahmah Russia chu a inhnamhnawih ve loh thu ministry chuan sawiin, Moscow chuan tharum hmanga inbeihna reng reng laka inthiarfihlim zel chu a duh dan a nih zawk thu a sawi bawk.
Syria buaina chu hmeh mih thuai nise tih chu Moscow duh dan a nih thu sawiin, politics hmanga chinfel theih apiang chu chinfel an duhpui thu sawiin, tangkaina an neih venaah apianga Russia chu a tlanchhiat dawn loh thu a sawi bawk a ni.