Russia in Ukraine hmun pawimawh a bei
Russia chuan missile leh drone hmangin beihpui a thlak leh niin Ukraine president Volodymyr Zelensky chuan a sawi a, an ram pumah an power hmunpui zawng zawngin beih an tawk niin a sawi.
September thla tira beih an tawh hnuah beihpui thlak lehna lian ber a nih thu an tualchhung media te chuan an sawi a, ram pum pui chu thil puak riin a khat an ti.
Ukraine foreign minister Andrii Sybiha chuan khawpui ralmuang tak, civil mite hahdamna hmun leh hmasawnna hnathawh kal lai zawng zawngte chu beih an nih thu a sawi a, Kyiv leh a zawmtu khawpui pawimawhte khar hial ngai a awm avangin thlasik duhawm lo tak an tawng leh ang tih a hlauhawm thu a sawi.
Ukraine president in a sawi danin Russia hian missile 120 vel leh drone 90 vel an ramah a kapchhuak niin a sawi a, nunphung a buai chho leh hle niin a sawi bawk.
He thil thleng hi Ukraine khawthlang lama Mykolaiv khawpui chuan tuar nasa hle in, mi pahnih an boral tawh a, mi engemzatin hliam an tuar bawk. Black Sea lawng chawlhhmun Odesa-ah chuan khawpui pumah power an titawp lailawk mek bawk a ni.
Russia in Ukraine hmun pawimawh a bei
