Russia chuan Ningani khan crusie leh missile dang dangin Ukraine a kap leh vak a, khawthlang lam leh khawchhak lam a kap nasa hle. Ukrainian thuneitute chuan Russian missile avang hian kum 79 mi hmeichhia chuan nunna chanin midang pasarihin hliam an tuar tiin an sawi a.
Russian forces te hian missile hrang hrang 36 lai kap chhuakin darkar hnih chhung zet Ukraine an bei niin Ukraine military chief, Valery Zaluzhnyya chuan a sawi a. Ukrainian air defence battery ten missile 16 an kapthla a, a hmaa Russia missile an kahthlak sak te lakah chuan an hlawhtling nep deuh thung.
Ukraine Presidential Office head Andriy Yermak chuan Russian sipai te chuan an tactic an thlak tia sawiin mahse kimchangin engmah a sawi lo thung a. Russian sipaite hian Ukrainian air deence te tun hnaia Western-supplied weapons hmanga tihchangtlun te chu bum an tum tia sawi a ni bawk.
Zan lama Russian missile kahchhuah te hian khawchhak lama Pavlohrad a chenna In te tichhiain kum 79-a upa hmeichhiain nunna a chan phah a, midang pasarih ten hliam an tuar tiin Governor Serhiy Lysak chuan a sawi.
He missile hian chenna In pasarih tichhe vekin chenna in dang 30 vel a then lai lai a tichhe bawk a, industrial plant-ah kangmei tichhuakin mahse thelhmih theih a ni tiin governor chuan a sawi bawk.
Ukraine khawthlang lamah pawh Lviv a Russian missile kahchhuah chuan infrastrucure facility te tichhiain kangmei chhuak a siam tiin Ukraine khawthlang lam governor Maksym Kozitskyi chuan a sawi bawk.
Russia-in Ukraine missile-in kap chhunzawm zel
