Russia leh Ukraine buainaah
volunteer sing 7 chuang boral
Tun hnaia tihchhuah tharah Russia leh Ukraine buaina avanga volunteer nunna chan chu sing 7 an chuang tawh tih tarlan a ni a, heng mite zingah hian Russia leh Ukraine mi leh sa an tam ber.
Kum 2022 atanga buainain zual lam a pan hnu khan civil mite zingah tlawmngaia midang puitu thahnem tak an pung a, heng mite hian indo mualah pawh midangte tanpuiin hmun himah te an hruai a, ei leh in leh damdawi hmanga inenkawlna hrang hrang an ngaihtuahsak bawk. Mahse, indona hmuna awm an nih miau avangin an tan inven sen a ni bik lo a, nunna tuar tam tak an awm phah ta a ni.
Ukraine lam chuan heng volunteer te hi a theih ang anga chhinchhiah zelin, Russia pela an rama lutte pawh an hriat theih chin chu an tuam zel a, an chanchin leh thlalak hmangtea hriatrengna an siam zel thu an sawi.
Russia lam pawhin hetiang thuchhuah hi an hriat rualin, an sipai thi zat, an chhinchhiah theih chin chu sing sarih an kai ve tawh thu an sawi bawk a. Chhinchhiah theih rih loh tam tak an awm thu an sawi. Volunteer nunna chan an awm thu erawh an sawi lang tel lo thung.
Russia leh Ukraine buainaah volunteer sing 7 chuang boral
