Russian tlanglawnmi chesualte hmukim

Russian tlanglawnmi chesualte hmukim
Russian tlanglawnmi panga, Nepal a Mount Dhaulagiri a chesualte ruang chu hmuhkim a ni tawh a. Helicopter hmangin Kathmandu ah lak niin, Tribhuvan University Teaching Hospital, Kathmandu ah dah an nih tawh thu Nepal chuan a sawi.
Heng tlanglawnmi chesualte hi khawvel tlangsan lam pasarihna Mt. Dhaulagiri a lawn niin, Nepal ram huamchhunga awm a ni a, a san zawng hi metre 8,167 (26,788 ft.) a sang a ni.
Heng mite hi October ni 6 khan an bo thu dawn a ni a, a hnu nihnihah an chetsualna hmun theuhah hmuh kim nghal an ni.
Mahse, an chetsualna hmun hi a chhengchhiat em avang leh a tlang a san em avangin ruang zawngtuten chet an la mai thei lo a; an inbiakna hnuhnung atanga a lan dan chuan an zinga pathumte hi an inkulhna camp an thlen hma, an let lehlama chesual nia hriat an ni bawk.
Vanduaina tawkte hi Nepal chuan an hming leh anmahni tichiangtu chhinchhiahna an neih kim tawh thu sawiin, an ruang thawn dan turah an ram sorkar nen inbiakna an la neih dawn thu an sawi.