Sabrina Carpenter Grammy stage performance chuan hmuhnawm tih a lawh viau a, mahse, mizawng zawng tihlawm a theih miau si loh a! Khawvela nungcha humhalhtu pawl lian ber PETA chuan thuchhuah siamin, Grammy stage-a Sabrina performance-a sava nung a hmang chu an dem thu an tarlang.
PETA chuan Sabrina-in a performance setup a sava a hmang tel chu “mawlna chikhat,” an tihsak bakah “nunrawng” an ti bawk. “2026-ah Sabrina Carpenter hian stage-ah sava a hmang tel a maw?! Manchild hla satunu hi naupangchhia ang maiin a khawsa a nih hi. #GRAMMYs-ah ramsa hnuk lut tel lo teh u,” an ti.
PETA chuan stage-a Sabrina-in sava a keng lai thlalak an post tel a, a caption-ah, “Light êng na tak, rimawi ring tak leh an khawih dan velah sava hian a hlau hle dawn a, van boruak a zalen taka thlawk thin tan chuan a manganthlak dawn mang e,” an ti.
Sabrina hian a perform dawna stage-a airport-theme a set-in, thawmhnaw var a inbel bakah captain lukhum var a khum bawk a. A show tawp dawn lamah thlawhtheihna lem laiah thuin, platform chu a che ta a, chutah Sabrina chuan thuro la chhuakin, a kutin a keng ta a ni.
Sabrina Carpenter Grammy performance-ah PETA an lawm lo
